Эрлинг Холанд жисмоний ҳолати ҳақида гапирди.

«Манчестер Сити» норвегиялик футболчининг хет-трики эвазига АПЛ 3-турида «Вест Хэм»ни мағлуб этди (3:1).

"Уч очко энг муҳими. Мен ўзимни яхши ҳис қиляпман, кучга тўламан. Узоқ муддатли таътил ва мавсумолди машқлари эвазига кучга тўлдим.

Мен ўзимни ажойиб ҳис қиляпман. Бу ерда ўтказган йиллар сезилмай ўтиб кетди. Бироз дам олдим, танам ва оёқларим яхши. Энди мен кўпроқ нарсага тайёрман.

Танаффус қилиш қанчалик муҳимлигини фақат футболчилар билади. Мавсум узоқ бўлгани учун тана ва онгингизга дам беришингиз керак. Бу одамлар ўйлаганчалик оддий эмас. Мен ўзимни тетик ҳис қиляпман ва бу энг муҳими.

Менга иккинчи гол ёқди. Менга барча голлар ёқади, лекин иккинчиси мукаммал бўлди. Рико [Льюис]дан ажойиб пас ва мукаммал тегиниш. Ажойиб якун", – деди Холанд.