Италия чемпионатининг дастлабки уч турида “Милан” ўз дарвозасидан олтита гол ўтказиб юборди ва бор-йўғи икки очкони қўлга киритди.
Клубнинг собиқ футболчиси Массимо Амброзинининг фикрича, "Милан" ўтказиб юборган голлар табиати жамоа ҳимоясидаги тизимли муаммолардан дарак беради.
"Павловичнинг голи ўйин динамикасини ўзгартириб юборди, ўйинни миланликлар ўз қўлига олгандек туюлди.
Аммо иккинчи бўлимда "Лацио" фаол прессинг қила бошлаганида, "Милан" бунга умуман тайёр эмаслиги ва ҳеч қандай муносабат билдирмагани маълум бўлди.
Шу боисдан ҳам худди “Парма” билан ўйиндаги каби иккита бир хил гол ўтказиб юбордик. Бу тизимли муаммо", - дея Амброзинининг сўзларинини келтиради pianetamilan.it.
