Люк де Йонг 21-асрда Нидерландия чемпионатида очколар бўйича пешқадамга айланди (258).
"ПСВ"нинг 34 ёшли ҳужумчиси Эредивизиянинг 4-турида "Гоу Эхед Иглс"га қарши ўйинда (3:0) 2 та голли узатмани амалга оширди.
Жорий чемпионатда гол+пас тизимидан фойдаланган ҳолда 4 ўйинда 5 (1+4) очко жамғарган.
Умуман олганда, у ушбу асрда барча лигаларнинг 310 та ўйинида 258 очко (179 гол, 79 голли узатма) тўплаган.
"Де Графсхап" ва "Твенте" клубларида ҳам ўйнаган Де Йонг бу билан “Аякс”нинг собиқ ярим ҳимоячиси Душан Тадични ортда қолдириб, ушбу тоифадаги кўрсаткичлар бўйича лиганинг ягона етакчисига айланди.
Ҳозирда Туркиянинг “Фенербахче” жамоасида тўп тепаётган серб 295 ўйинда 256 (119+137) очко тўплаган.
