Якшанба куни Англия Премьер-лигасида "Ньюкасл" ва "Тоттенхэм" жамоалари ўзаро баҳс олиб боришди. Иккинчи бўлим ўртасида ярим ҳимоячи Сандро Тонали "қарғалар" сафида захирадан майдонга тушди. Тонали сўнгги бор Англия чемпионатида 2023 йил 21 октябрда ўйнаган. Ўша пайтдан бери 316 кун ўтди ва у яна майдонда пайдо бўлди.
Эслатиб ўтамиз, Сандро Тонали дисквалификаcия туфайли узоқ муддат майдонга туша олмаганди. Италиялик футболчининг жазоланиши футболчиларнинг футбол ўйинларига пул тикиш қоидаларини бузгани билан боғлиқ.
"Ньюкасл" ўз майдонида "Тоттенхэм"ни кичик 2:1 ҳисобида мағлуб этди. Премьер-лиганинг дастлабки уч турида "қаргалар" тўплаш мумкин бўлган ўн икки очкодан етти очко тўплашди.
