Ҳимоячи Жонатан Та ёзда "Бавария"га ўтмоқчи эди, аммо якунда "Байер"да қолди. 28 ёшли футболчи трансфернинг бузилиши унга таъсир қилганини тан олди.
Шу билан бирга, Та бутун бор эътиборини "Байер"да ўйнашга қаратганини таъкидлади. Танинг агенти футболчи "Байер" билан шартномасини узайтирмаслигини айтди.
Шу тариқа, 2024/2025 йилги мавсум якунида Германия терма жамоаси ҳимоячиси эркин агент сифатида бошқа жамоага ўтади.
Хабарга кўра, "Бавария" ва "Барселона" келаси ёзда Та билан шартнома имзолаш учун курашади. Ҳар икки клуб ҳам ҳимоячига ўтган ёзда қизиқиш билдирганди.
