Жошуа Киммих Германия терма жамоасининг янги сардори бўлди, уни Антонио Рюдигер ва Кай Хаверц қўллаб-қувватлайди.
"Сардор жамоа делегати бўлиб, у жамоанинг фикрини мураббийлар штабига етказиши керак. Биз жамоадаги барча билан яхши муносабатда бўлган футболчиларни топишга ҳаракат қилдик.
Биз учта ўйинчининг яхши комбинациясини топдик. Киммих Европа чемпионатида учта сардордан бири эди. Иккиси энди жамоада йўқ, шунинг учун мен учун Жошуа мантиқий ворисдир", - деди Нагельсманн.
Сентябрь ойида Германия терма жамоаси Миллатлар лигаси доирасида Венгрия ва Нидерландияга қарши ўйин ўтказади.
