"Манчестер Юнайтед" спорт директори Ден Эшворт Жейдон Санчонинг "Челси"га ўтиши ҳақида гапирди.
24 ёшли вингер кейинчалик сотиб олиш мажбурияти билан Лондон клубига ижарага ўтди. Келишув трансфер ойнаси ёпилишидан бироз олдин амалга оширилган.
"Санчонинг клубдаги келажаги йўқми? Гап бунда эмас. Биз шундай қарорга келдик, чунки бу биз учун ҳам, футболчи учун ҳам тўғри бўлди. Жейдон ўзини "Челси"да синаб кўрмоқчи эди, худди Скотт МакТоминай "Наполи"да ўзини синаб кўрмоқчи бўлгани каби, Аарон Ван-Биссака "Вест Хэм"да ўзини синаб кўрмоқчи бўлгандек. Биз футболчиларни клубдан ҳайдаб юборишга қодир эмасмиз", - дея Эшворт сўзларини келтиради The Athletic.
