"Атлетико Мадрид" ҳужумчиси Хулиан Альварес клубини ўзгартиргандан сўнг ўзини қандай ҳис қилаётгани ҳақида гапирди.
Ўтган ойда "матрасчилар" аргентиналик футболчини "Манчестер Сити"дан бонусларни ҳисобга олмаганда 75 миллион евро тўлаб сотиб олишди.
"Мен бу ерда бир неча ҳафтадан бери машғулот ўтказяпман ва аста-секин мураббий нимани хоҳлашини ва жамоага нима бера олишимни тушуна бошладим. Улар менга мослашишда ёрдам беришади. Гвардиола ва Симеоне ўртасидаги фарқ нима? Ҳар бир мураббийнинг ўз талаблари бор, мен қўлимдан келганини қилишга ҳаракат қиламан", - деди Альварес.
