Италия терма жамоаси бош мураббийи Лучано Спалетти нима сабабдан "Ливерпуль"га янги келган Федерико Кьезани Миллатлар лигаси ўйинларига чақирмаганини тушунтирди.
“Биз у билан гаплашдик ва вазиятга тўғри баҳо бердик: агар уни чақирганимда, у захирада қолиб, ўйинларда майдонга тушмаган бўларди.
У менга янги клуби билан гаплашгани ва улар билан алоҳида тайёргарлик ишларини олиб бориши кераклигини айтди", - деди Спаллетти.
6 ва 9 сентябрь кунлари италияликлар Миллатлар лигаси доирасидаги сафарда 2 та ўйин ўтказади - мос равишда Франция ва Исроилга қарши.
