Туриннинг “Ювентус” клуби собиқ ярим ҳимоячиси Адриен Рабио Италиянинг бошқа клубидан таклиф олди. Хабарга кўра, "Милан" ярим ҳимоячини сотиб олмоқчи бўлган, бироқ франциялик футболчи бунга рози бўлмаган.
Ёзда Рабио "Ювентус"дан эркин агент сифатида кетган ва ҳалигача янги жамоа топа олмаяпти. Ярим ҳимоячи аввалроқ “Галатасарой”дан таклиф олган, бироқ Туркияга ўтишдан бош тортганди.
Рабио фаолиятини Англия Премьер-лигасида давом эттиришни афзал кўраётгани, футболчини сўнгги йилларда "Манчестер Юнайтед" ва Лондоннинг "Арсенал" клублари кузатиб бораётгани ҳақида аввалроқ хабар берилган эди.
