"Гулистон" ва "Олмалиқ" жамоалари ўртасидаги баҳсдан кейин бош мураббий ўз фикрлари билан ўртоқлашишди.

Бахтиёр Ашурматов: "Ўтган турда сафарда “Навбаҳор”га йирик ҳисобда мағлубиятга учрагандик. Шундан сўнг жамоанинг ҳар бир аъзоси  билан алоҳида суҳбатлар уюштирилди. Ўша бой берилган ўйиндан етарлича хулосалар чиқаришди. Энди бугунги баҳс хусусида гапирадиган бўлсам, назаримда бугунги қарма-қаршилик мухлисларга маъқул келди, деб ўйлайман. Кези келганда гулистонлик томошабинларга миннатдорчилигимни билдириб қоламан. Уларнинг тинимсиз қўллаб-қувватлашлари бизга қўл келди. Келгусида ҳам шундай ҳужумкор ўйинлар кўрсатиб, жамоамизихлосмандларини мамнун этмоқчимиз.

Игорь Шквирин: "Бундай майдонда мазмунли ўйин кўрсатишнинг имкони йўқ. Лекин мезбонлар ҳам шу майдонда ўйнашди. Гулистонликларда ғалабага бўлган иштиёқ кучли эди ва ҳақли равишда ғалаба қозонишди.