Килиан Мбаппе "Реал"даги кутиб олишдан ҳайратда қолди.

Франциялик ҳужумчи сўнгги ойларда "ПСЖ"даги кескин вазиятни ҳисобга олиб, мадридликлар томонидан бу қадар яхши кутиб олинишини кутмаганди. Мбаппе мухлислар ишончини қозониш учун "синов даври"дан ўтиши керак деб ўйлаганди, аммо бу керак бўлмади, деб ёзади "Marca".

Қайд этилишича, футболчига яхши муносабат клуб ичида ҳам намоён бўлмоқда - президент Флорентино Перес ва мураббий Карло Анчелотти Килианнинг майдонда ва унинг ташқарисида қўшган ҳиссасидан мамнун.

Футболчининг ўзи Мадридга "Реал Мадрид" тарихини билган ҳолда келган ва биринчи кунданоқ ишга шўнғишга тайёр эди. У испан тилида бемалол гапиради ва кийим алмаштирио хонаси қоидаларини яхши билади.