"Манчестер Юнайтед" бош мураббий Эрик тен Хаг билан хайрлашишга шошилмаяпти.
“Қизил иблислар” атиги 3 очко жамғарган ҳолда АПЛ турнир жадвалида 3 та дастлабки турдан сўнг 14-ўринда бормоқда. Яқинда "Олд Траффорд"да "Ливерпуль" билан ўйинда жамоа йирик мағлубиятга учради (0:3), шундан сўнг матбуот яна тен Хагнинг четлатилиши мумкинлиги ҳақида гапира бошлади.
MailSport хабарига кўра, клуб раҳбарияти нидерландиялик мутахассис янги мавсумдаги илк муаммолардаёқ четлатиш учун эмас, балки ўтган мавсум якунларига кўра ҳамкорликни давом эттиришга қарор қилган. Шу билан бирга, манба таъкидлаганидек, "Манчестер Юнайтед" муваффақиятсиз натижаларга узоқ вақт чидаш ниятида эмас.
