Саудия Арабистони чемпионатида ўйнаётган бразилиялик Неймар ҳужумчи Луис Суареснинг Уругвай терма жамоасидаги фаолиятини якунлаш ҳақидаги қарорига муносабат билдирди.
"Суарес абадий. Уругвай футболи тарихига номингизни ёздингиз. Сиз энг зўрисиз", - деб ёзди Неймар ижтимоий тармоқларда.
Суарес Уругвай терма жамоасида 2007 йилдан буён ўйнаб келаётганди. Ҳужумчи терма жамоа сафида 142та ўйин ўтказиб, 69та гол урган. Луис Уругвай терма жамоаси тарихидаги энг яхши тўпурар ҳисобланади.
Эслатиб ўтамиз, клуб миқёсида тажрибали ҳужумчи Американинг "Интер Майами" клубида тўп суради.
