Мадриднинг “Реал” клуби ҳозирда Франциянинг “ПСЖ” жамоасида ўйнаётган марокашлик ҳимоячи Ашраф Ҳакимни жамоага қайтариш ҳақида ўйламоқда. Бу ҳақда Todofichajes нашри хабар бермоқда.
Эслатиб ўтамиз, Ҳакими "Қироллик клуби" академияси тарбияланувчиси ҳисобланади. Марокашлик футболчи Мадридда ўз ўрнига эга бўла олмади ва 2020 йилда "Интер"га йўл олди. У 2021 йилдан бери Париж грандида ўйнаб келмоқда. Франция чемпионатининг жорий мавсумида ҳимоячи учта ўйин ўтказиб, битта гол урди ва битта голли узатмани амалга оширди.
Ҳакимининг "ПСЖ" билан шартномаси 2026 йилнинг ўрталарига қадар тузилган. Transfermarkt портали маълумотларига кўра, унинг нархи 60 миллион еврога тенг.
