Виктор Осимхен шахсан ўзининг агенти Роберто Календанинг кўмагисиз "Галатасарой" билан музокара олиб борди. Бу ҳақда Il Mattino нашри хабар бермоқда.
Манбага кўра, футболчи "Наполи"да қолишнинг иложи йўқлигини тушуниб етган ва шу боис турк клубидан воситачи Жорж Гардининг иши билан тушган таклифни қабул қилган.
Эслатиб ўтамиз, трансфер ойнаси охирида 25 ёшли нигериялик футболчи "Челси" ёки "Ал-Аҳли"да қолиши мумкин эди, аммо якунда бу трансферларнинг ҳеч бири амалга ошмади. Бундан олдинроқ ҳам "ПСЖ" ҳужумчига қизиққан эди, бироқ клуб футболчининг 120 миллион евродан ошиқ бандини тўламоқчи эмасди ёки нархни пасайтириш бўйича шартномага Ли Канг Инни ҳам қўшишни истамади.
