Дани Карвахаль Альваро Мората ва Родрининг қўшиқлари ҳақида гапирди.
Бу йил ёзда Испания терма жамоаси финалда Англияни 2:1 ҳисобида мағлуб этиб, Евро ғолибига айланди.
Мадрид марказидаги ғалаба байрами чоғида Родри ва Альваро Мората “Гибралтар испанларники” деб ҳайқиришди.
Кейинроқ Гибралтар футбол ассоциацияси бу воқеа юзасидан УEФАга шикоят қилган. Иттифоқ текширув бошлади, натижада футболчилар терма жамоанинг 1 та ўйинига дисквалификация қилинди.
"Улар бу ҳақда кўп гапиришди, лекин ўша пайтда бу хафа қилиш ёки можаро келтириб чиқариш учун мўлжалланган нарса эмас эди.
Шунчаки, Испания Пиреней ярим оролида жойлашган Гибралтар учун доим Англия билан рақобатлашган ва бу Англияга қарши финал эди.
Финалдан олдин бу қўшиқнинг озгина акс-садоси аллақачон пайдо бўлган ва биз ғалаба қозонганимизда, қўшиқ кўпроқ ҳазилга айланди.
Агар кимдир ҳақоратланганини ҳис қилган бўлса, биз бутун жамоа номидан узр сўраймиз - лекин, тўғрисини айтсам, ўша пайтда инглизлар ўзларини ҳақорат қилинганини айтишмади", - деди Испания терма жамоаси ва «Реал» ҳимоячиси.
