Нико Уильямс мухлиснинг "Реал Мадрид"га ўтиш ҳақидаги таклифига муносабат билдирди.

"Атлетик" ярим ҳимоячиси бошқа футболчилар қатори Испания терма жамоасининг очиқ машғулотидан сўнг трибунада мухлислар билан суҳбатлашди. Жамоа Миллатлар лигасида Сербия ва Швейцария терма жамоаларига қарши майдонга тушади.

"Кейинги йил "Реал Мадрид"да, Нико!" – деди мухлислардан бири футболчи билан суратга тушаётганда.

"Бундай бўлиши мумкин эмас, орқага", деб жавоб берди Уильямс.

Бу ёзда 22 ёшли испаниялик, хусусан, "Барселона"га ўтиши мумкин эди, аммо у Бильбао клубида қолишга қарор қилди.