Ўтган мавсумда АПЛда учинчи ўринни эгаллаган “Ливерпуль” Чемпионлар лигасига қайтди. Клуб 36 та жамоадан иборат янги форматга дуч келади.

Биринчи ўйин 17 сентябрь куни бўлиб ўтади ва Арне Слот ўз қайдномаси бўйича қарор қабул қилиб бўлган. 25 кишидан иборат А рўйхатига Трент, Салаҳ, Виржил ван Дейк, Мак Аллистер, Алиссон ва янги келган Федерико Кьеза киради.

Бироқ, таркибга бир қизиқ қўшимча бор: 17 ёшли Амара Налло “қизиллар” сафида ҳали бирорта ҳам ўйин ўтказмаганига қарамай, таркибга киритилди.

У марказий ҳимоячи ва 16 ёшигача "Вест Хэм"га тегишли эди. Ўтган мавсумда у "қизиллар"нинг ўринбосарлар жамоасига жалб қилинган ва у ерда ҳаммани ҳайратда қолдира олганди. Налло илк бор "Арсенал" билан мавсумолди ўйинида асосий жамоа учун майдонга тушди.

У клубда Ван Дейк, Конате, Куанса ва Гомесдан пастроқда эканлиги аниқ, аммо Слотнинг мураббийлар штаби унга ишонади.