"Ювентус"нинг чап ярим ҳимоячиси Филип Костич РПЛга ўтишдан бош тортди.
Аввалроқ журналист Николо Скира сербиялик футболчи номи ошкор этилмаган Россия клуби таклифини рад этгани ҳақида хабар берганди. Tuttosport нашри хабарига кўра, гап "Спартак" ҳақида кетмоқда.
Нашрнинг ёзишича, футболчи ўзининг собиқ жамоаси "Айнтрахт", "Саутгемптон", "Кристал Пэлас" ва "Ал-Айн" клубларининг таклифини ҳам рад этган. "Галатасарой" ҳам Костичга қизиқиш билдирмоқда ва унга мавсумига 4 миллион евро маош билан 3 йиллик шартнома таклиф қилишга тайёр. Ҳозирда томонлар ўртасида музокаралар олиб борилмоқда.
"Ювентус" Костични 2022 йилда Франкфуртнинг "Айнтрахт" клубидан 14,7 миллион евро эвазига сотиб олганди. Ўтган мавсумда 31 ёшли футболчи туринликлар сафида 33та ўйинда майдонга тушиб, 4та голга ассистентлик қилган.
