"Бавария" спорт директори Макс Эберль Мюнхен клуби футболчиси Жамол Мусиала "Олтин тўп" учун курашаётган 30 нафар футболчининг якуний рўйхатига киритилмаганидан ҳайратда эканини айтди.
"Жамол Европа чемпионатининг энг яхши ўйинчиларидан бири эди, у турнирнинг рамзий терма жамоасига киритилди ва энг сермаҳсул тўпурарлардан бирига айланди. Бундан ташқари, унинг ажойиб ўйини "Бавария"га Чемпионлар лигасининг ярим финалига чиқишга ёрдам берди. Қандай қилиб у ўтган мавсумнинг энг яхши 30 нафар футболчиси рўйхатига киритилмаганини тушунмаяпман", - дея Эберлнинг сўзларини келтиради br.de сайти.
Ўтган мавсумда 21 ёшли Мусиала Бундеслигада 10 та гол урди ва 6 та голли узатмани амалга оширди.
