"Bavariya" sport direktori Maks Eberl Myunxen klubi futbolchisi Jamol Musiala "Oltin to‘p" uchun kurashayotgan 30 nafar futbolchining yakuniy ro‘yxatiga kiritilmaganidan hayratda ekanini aytdi.
"Jamol Yevropa chempionatining eng yaxshi o‘yinchilaridan biri edi, u turnirning ramziy terma jamoasiga kiritildi va eng sermahsul to‘purarlardan biriga aylandi. Bundan tashqari, uning ajoyib o‘yini "Bavariya"ga Chempionlar ligasining yarim finaliga chiqishga yordam berdi. Qanday qilib u o‘tgan mavsumning eng yaxshi 30 nafar futbolchisi ro‘yxatiga kiritilmaganini tushunmayapman", - deya Eberlning so‘zlarini keltiradi br.de sayti.
O‘tgan mavsumda 21 yoshli Musiala Bundesligada 10 ta gol urdi va 6 ta golli uzatmani amalga oshirdi.
