Бугун, 5 сентябрь куни Украина терма жамоаси ҳужумчиси Артём Довбик жароҳати сабаб Миллатлар лигасида Албания ва Чехияга қарши ўйинларни ўтказиб юбориши маълум бўлди.
УАФ хабар беришича, футболчи аллақачон терма жамоа лагерини тарк этиб, клуб шифокорлари назорати остида тикланиш учун Римга кетган.
"La Gazette Dello Sport" хабарига кўра, Артем А Сериянинг 3-тури доирасидаги «Ювентус» билан ўйинда (0:0) сон қўшимча мушакларини шикастлаб олган.
Шифокорлар жароҳатни жиддий эмас деб баҳоламоқда. Довбик 15 сентябрь куни «Женоа»га қарши ўйинда майдонга тушиши кутилмоқда.
