"Лилль" ҳужумчиси Жонатан Дэвид Миланнинг "Интер" клубининг эҳтимолий нишони ҳисобланади.
"Нерадзуррилар" сифатли эркин агентларни ўз сафларига жалб қилиш қобилияти билан машҳур ва айнан шу схема бўйича канадалик келаси ёзда имзоланиши мумкин - унинг "Лилль" билан шартномаси мавсум охирида тугайди. Журналист Альфредо Педулла хабарига кўра, "Интер" "Ювентус" билан бирга 24 ёшли футболчининг ҳолатини кузатиб бормоқда.
Жонатан Дэвид ортда қолган ёзда Милан клубида пайдо бўлиши мумкин эди: "Интер"га форвард хизмати таклиф қилинганди, аммо трансфер Маркус Тюрам сотилган тақдирдагина амалга ошиши мумкин эди.
