"Реал" ҳужумчиси Килиан Мбаппе собиқ жамоадошларидан бирини мақтади.

"Лос-Бланкос"нинг футболчиси Брэдли Барколанинг ўйинларига юқори баҳо беради. Айнан 22 ёшли вингер жорий мавсумда Мбаппенинг "ПСЖ"даги баъзи вазифаларини ўз зиммасига олди.

“Мен Баркола учун хурсандман, у ажойиб йигит. Умид қиламанки, у гол ура олмаган ўйинлардан сўнг унга қаттиқроқ муносабатда бўлмайсиз. Бредлида катта имкониятлар бор. У қилаётган иш зўр, лекин келажакда у бундан ҳам яхшироқ қила олади. Мен охиргисидан ташқари барча ўйинларни кўрдим”, — деди Мбаппе.

Брэдли Баркола ушбу мавсумда "ПСЖ" учун учта ўйинда тўртта гол урди.