Ўзбекистон делегацияси ёзги Паралимпия ўйинларида медаллар сифати бўйича ўз тарихидаги энг яхши натижасини янгилади.

Париж шаҳрида XVII ёзги Паралимпия ўйинлари давом этмоқда. Ўзбекистон делегацияси айни пайтнинг ўзида 9 та олтин, 6 та кумуш ва 5 та бронза медал билан ўз тарихидаги энг яхши натижани янгилаб улгурди.

Бундан аввалги Токио Олимпиадасида Ўзбекистон жамоаси 8 та олтин, 5 та кумуш ва 6 та бронза медалини қўлга киритган эди.

Медаллар сони бўйича Ўзбекистон учун энг яхши натижа ҳозирча Рио Паралимпиадаси ҳисобланади. Унда делегация вакиллари 8 та олтин, 6 та кумуш ва 17 та бронза медалини қўлга киритган эди.

Париждаги Олимпиадада Ўзбекистон тарихда илк бор 9 та олтин медални қўлга киритди ва бу натижа мусобақа сўнгигача янгиланиши мумкин.