Бразилиялик афсона Роналдиньо Лионель Мессининг унга қилган ёрдами ҳақида гапириб берди.
«Месси менга қамоқдан чиқишимга ёрдам берганида, мен руҳан бутунлай синган ва қийин аҳволда эдим. Миннатдорчилик билдириш учун мен унинг ёнига бордим ва у менга ўзининг имзоси туширилган «Барселона» футболкасини совға қилди. Футболкада унинг имзоси ва бошқа футболчиларнинг имзолари бор эди. У менга: «Сен уни сотишинг мумкин. Мен алоқага чиққан сайт уни сендан сотиб олади» деди.
У айтган сайт менга қўнғироқ қилганида, «Бу дўстимнинг совғаси ва мен буни сотмайман», дедим. Мен сайтга футболкани сотмоқчи эмаслигимни айтсам ҳам, улар менга пул юборишганини кўрдим ва уларга қўнғироқ қилиб: «Нега менга пул юбординглар? Мен аҳир сотмайман дедимку» деб сўраганимда, улар: «Месси бизга шундай қилишимизни айтди, у бизга ҳудди сизникидек бошқа футболка берди», дейишди. Мен шокка тушдим. Кўзимга ёш келди, Лео мен учун қилган ишларини ҳеч қачон унутмайман. Айниқса шунча одам хиёнат қилганидан кейин... Леонинг қалби пок», - деди Роналдиньо.
