"Манчестер Сити"нинг таянч ярим ҳимоячиси, аввалроқ Мадриднинг "Атлетико" жамоасида ўйнаган Родри "матрасчилар" бош мураббийи Диего Симеоне бошчилигидаги иш тажрибасини эслади.
"Атлетико"га "Вильярреал"дан бир мавсум қайтганимда, рақобатбардошлик нима эканлигини билдим. "Вильярреал"да мен тўпни жуда яхши назорат қилдим, лекин барибир анча юмшоқ эдим. Мен Диего Симеонедан ёмон одам бўлиш ва майдонда бироз қўпол бўлиш нимани англатишини билдим. Рақибнинг ўйинини 90 дақиқалик тартибсизликка айлантириш нима эканлигини ҳам билдим. Бу яна бир муҳим лаҳза бўлди", - деди Родри Mundo Deportivo билан суҳбатда.
Родри 2007 йилдан 2013 йилгача Мадрид клуби тизимида ўйнаган. Кейин испаниялик футболчи "Вильярреал"га ўтди. Бироқ, 2018 йилда у "Атлетико"га қайтди ва у ерда 2019 йилгача ўйнади.
