Тошкент вақти билан 6 сентябрдан 7 сентябрга ўтар кечаси Уругвай пойтахти Монтевидеодаги "Сентенерио" стадионида Уругвай ва Парагвай терма жамоалари ўртасида ЖЧ—2026 учун Жанубий Америка саралаш турнирининг 7-тур учрашуви бўлиб ўтди. Учрашув 0:0 ҳисобида дуранг билан якунланди.
Бу учрашув уругвайлик 37 ёшли ҳужумчи Луис Суарес учун терма жамоадаги охиргиси бўлди. Фахрий асосий таркибда майдонга тушди ва бутун учрашув давомида ҳаракат қилди. 85-дақиқада Суарес спортга хос бўлмаган хатти-ҳаракатлари учун сариқ карточка олди.
Луис Суарес Уругвай терма жамоасида 2007 йилнинг февралида 20 ёшида дебют қилган. У терма жамоа сафида жами 143 та ўйин ўтказиб, 69 та гол урган ва 39 та голли узатмани амалга оширган.
