"Манчестер Сити"нинг ҳимоячи ярим ҳимоячиси Родри ўтган мавсум якунида "Олтин тўп"га даъвогарлар 30талигига киритилгани ҳақида фикр билдирди.
"Мен жуда фахрланаман. Келинг, нима бўлишини кўрамиз. Мен буни назорат қила олмайман. Нима бўлишидан қатъий назар, мен буни қабул қиламан ва миннатдорман, чунки мен номзодлар орасидаман ва бу аллақачон орзу ва илтифот.
Таянч ярим ҳимоячилар футбол мухлисларига ёқадиган нарса эмас. Улар гол ва голли узатмаларни ёқтиришади. Шу боисдан ҳам бу мукофотлар ҳужумчи, вингер ёки ярим ҳимоячиларга берилади", - деди Родри ВВС билан суҳбатда.
Ўтган мавсумда Родри Премьер-лига, клублар ўртасидаги жаҳон чемпионати, Европа Суперкубогида ғолиб чиқди, ёзда эса Испания терма жамоаси таркибида Евро-2024да олтин медалларни қўлга киритди.
