Аргентина терма жамоаси ЖЧ-2026 саралаш босқичидаги етакчиликни мустаҳкамлади.

7-турда Аргентина Чилини мағлуб этди (3:0) ва 18 очко билан турнир жадвалида ҳамон 1-ўринни эгаллаб турибди.

4 очколик фарқ билан иккинчи ўринда Парагвай билан дуранг ўйнаган (0:0) Уругвай, учинчи ўринда Перу билан ўйинда мағлубиятдан қутулиб қолган Колумбия (1:1) бормоқда.

Бразилия Эквадор устидан 1:0 ҳисобида ғалаба қозониб, уч ўйиндан иборат мағлубиятли сериясига барҳам бериб, 4-ўринга кўтарилди.

Жанубий Американинг дастлабки олти жамоаси тўғридан-тўғри ЖЧ-2026 финал турнирига йўл олади. Еттинчиси жамоаси бошқа қитъа вакили билан жангларда йўлланма учун ўйнайди.