Миланнинг “Интер” клуби ярим ҳимоячиси Давиде Фраттези Миллатлар лигасида Франция устидан қозонилган ғалаба Италия учун бурилиш нуқтаси бўлишига умид қилмоқда.
"Бу оқшом биз учун қайта туғилиш бўлиши керак. Менимча, Евродаги муваффақиятсизлик биринчи навбатда психологик сабабларга кўра бўлган - ичкаридан ҳам, ташқаридан ҳам кучли босим остида эдик, ўзимизни чарчагандек ҳис қилдик.
Энди биз тўғри йўналишда ҳаракат қилмоқдамиз. Сиз доимо мағлубиятлардан сабоқ оласиз, менимча, ҳозир жамоада бутунлай бошқача муҳит ҳукм сурмоқда. Биз ўзимизни эркинроқ ҳис қилмоқдамиз – худди шундай руҳда давом этишимиз керак", — деди французлар дарвозасига ғалаба тўпини киритган Фраттези ўйиндан кейинги интервьюсида.
