Milanning “Inter” klubi yarim himoyachisi Davide Frattezi Millatlar ligasida Fransiya ustidan qozonilgan g‘alaba Italiya uchun burilish nuqtasi bo‘lishiga umid qilmoqda.
"Bu oqshom biz uchun qayta tug‘ilish bo‘lishi kerak. Menimcha, Yevrodagi muvaffaqiyatsizlik birinchi navbatda psixologik sabablarga ko‘ra bo‘lgan - ichkaridan ham, tashqaridan ham kuchli bosim ostida edik, o‘zimizni charchagandek his qildik.
Endi biz to‘g‘ri yo‘nalishda harakat qilmoqdamiz. Siz doimo mag‘lubiyatlardan saboq olasiz, menimcha, hozir jamoada butunlay boshqacha muhit hukm surmoqda. Biz o‘zimizni erkinroq his qilmoqdamiz – xuddi shunday ruhda davom etishimiz kerak", — dedi fransuzlar darvozasiga g‘alaba to‘pini kiritgan Frattezi o‘yindan keyingi intervyusida.
