Миллатлар лигасининг 1-тури доирасида Франция ва Италия терма жамоалари ўзаро тўқнаш келишмоқда.

Сандро Тонали Италия терма жамоасининг асосий таркибидан жой олди. Бу унинг ўтган йилнинг сентябрь ойидан бери терма жамоадаги илк ўйини бўлди.

Эслатиб ўтамиз, ўтган йилнинг сентябрь ойида Тонали қимор ўйинларига қарамлик билан боғлиқ жанжал марказига айланди. Натижада, октябрь ойида у спортга пул тикиш билан шуғуллангани учун 10 ойга дисквалификация қилинди. Эслатиб ўтамиз, футболчи қимор ўйинларига қарамликдан даволаниши ҳам талаб қилинган.

25 ёшли футболчи "Ньюкасл" сафида клуб даражасидаги дисквалификациядан сўнг биринчи ўйинини 28 август куни Англия Лига кубоги доирасида "Ноттингем Форест"га қарши ўтказди.