Мадриднинг «Реал» клуби бош мураббийи Карло Анчелотти мадридликлар сафидаги футболчиларнинг савияси ҳақида гапирди.
«Реал Мадрид»да жуда катта талаблар бор, чунки у дунёдаги энг катта клуб. Энг зўр ўйинчилар шу ерда. Уларнинг фазилатларидан клуб манфаати учун фойдалана билиш керак. Биз ҳар йили шундай қилишга ҳаракат қиламиз. Бу йил янги йигитлар пайдо бўлди - Килиан (Мбаппе) ва Эндрик. Улар яхши мослашади.
Олдинда бизни ажойиб мавсум кутиб турибди, аммо ғалаба қозониш жуда қийин бўлади. Бизнинг вазифамиз рақобат қилиш, ҳеч қачон таслим бўлмаслик ва охиригача боришдир. Бу футболкани кийганингда шундай қилиш керак», - дея Анчелотти сўзларини келтирмоқда "Marca".
