Madridning «Real» klubi bosh murabbiyi Karlo Anchelotti madridliklar safidagi futbolchilarning saviyasi haqida gapirdi.
«Real Madrid»da juda katta talablar bor, chunki u dunyodagi eng katta klub. Eng zo‘r o‘yinchilar shu yerda. Ularning fazilatlaridan klub manfaati uchun foydalana bilish kerak. Biz har yili shunday qilishga harakat qilamiz. Bu yil yangi yigitlar paydo bo‘ldi - Kilian (Mbappe) va Endrik. Ular yaxshi moslashadi.
Oldinda bizni ajoyib mavsum kutib turibdi, ammo g‘alaba qozonish juda qiyin bo‘ladi. Bizning vazifamiz raqobat qilish, hech qachon taslim bo‘lmaslik va oxirigacha borishdir. Bu futbolkani kiyganingda shunday qilish kerak», - deya Anchelotti so‘zlarini keltirmoqda "Marca".
