"Поханг Стилерз” – “Бунёдкор” учрашувидан олдинги матбуот анжуманиниг биринчи қисмида “қалдирғочлар” иштирок этишди.

- Жуда қизиқарли учрашув бўлиши кутилмоқда. Мусобақа жадвалига назар ташласак, ҳаммаси чигаллашиб кетган. Бирданига учта жамоа плей-оффга чиқиш имкониятига эга. “Поханг Стилерз”га қарши учрашувларимиз ҳар доим ҳам муросасиз ва шиддатли, шунингдек ҳал қилувчи аҳамиятга эга бўлиб келган. Рақиб ҳалқаро тажрибага эга бўлган кучли жамоа. Поханликлар бежизга К-лигада пешқадамлик қилишмаяпти. Шунга қарамай, Тошкентда эриша олмаган натижамизни бу ерда қайд этмоқчимиз. Шогирдларим ўйинга шай ва кейинги босқичга чиқиш учун бор маҳоратларини намойиш этишади. Ўйлайманки, Хайрулла Каримовнинг дисквалификацияси режаларимизга катта ўзгаришлар киритмайди. Кимдир жароҳат билан боғлиқ, бошқаси эса кутилмаган яна бошқа сабаб туфайли сафдан чиқади. Бу – футбол! Ҳар бир рақибга бир хилда тайёрланамиз. Биринчи навбатда клуб имиджини янада кўтариш учун ҳаракат қиламиз. Сўнгги икки ҳафтада “Поханг Стилерз” бир неча учрашувлар ўтказди. Рақибимиз устози барча футболчиларга имконият бериб, таркибда тез-тез ўзгариш қилиб турибди. Тиғиз тақвим туфайли корейсларда чарчоқ аломатлари бор, деб ўйламайман, - дейди Миржалол Қосимов.

Мирзаҳаким Тўхтамирзаев
Поханг