Ярим ҳимоячи Деклан Райс Миллатлар лигаси доирасида Ирландияга қарши ўйинда Харри Кейн ўрнига майдонга тушганидан кейин Англия терма жамоаси сардори бўлишдан бош тортди. Райс бу борада фикр билдирди.
"Кейн менга боғични тақишга ҳаракат қилди, аммо Стоунс ёши каттароқ ва тажрибалироқ. Мен Харрига шунчаки айтдим: "Эҳтимол, Жон мендан кўра кўпроқ боғичга лойиқдир." Мен уни Жонга беришини айтдим. Бўлди шу. Ундан кўпроқ нарса қилишнинг ҳожати йўқ. Жон энг тажрибали футболчилардан бири. У одатда Харри ўйнамаганда сардор бўлади, шунинг учун бу тўғри қарор бўлди", - дея Райснинг сўзларини келтиради Express.
