8 сентябрь, якшанба куни Португалия ва Шотландия терма жамоалари ўртасида Миллатлар лигаси гуруҳ босқичидан ўрин олган учрашув бўлиб ўтди. Роберто Мартинес шогирдлари 2:1 ҳисобида иродали ғалабани тантана қилишди.
Эслатиб ўтамиз, марказий ҳужумчи Криштиану Роналду ғалаба тўпини киритди. Ҳужумчи захирадан майдонга тушди ва учрашув охирида шотландлар дарвозасига йўл топди. Бу гол унинг фаолиятидаги 901-гол бўлди.
Криштиану фаолияти давомида 48 та терма жамоа дарвозасига гол урган. Ҳужумчининг самарали ҳаракатларидан Люксембург терма жамоаси энг кўп зарар кўрди. У Роналдудан 11 та гол ўтказиб юборган.
