Осиё чемпионлар лигасининг "G" гуруҳидан ўрин олган "Санфречче Хиросима" ва "Бейцзинг Гоан" жамоалари ўртасидаги баҳсдан олдинги матбуот анжуманида жамоалар бош мураббийлари ўз фикрлари билан ўртоқлашишди. 

Ушбу ўйинда қайд этиладиган дуранг натижа "Бейцзинг Гоан"га нимчорак финал йўлланмасини тақдим этса, "Санфречче" жамоаси аллақачон плей-оффга чиқиш имкониятидан маҳрум бўлиб улгурган.

"Футболчилар ўйиннинг муҳимлигини яхши ҳис қилиб туришибди. Улар ғалаба қозониш учун қўлдан келган барча ишни қилишади, деб ўйлайман", дейди Станоевич.

"Хиросима" - яхши жамоа. Биз бу жамоа ҳақида кўп нарса биламиз. Рақибиз сафида яхши савиядаги ҳужумчилар бор, шунинг учун ҳимояда эҳтиёт бўлиб ўйнашимиз керак. Биз катта босим остидамиз, аммо мен уларни хотиржам ўйнашга ундайман", дейди Станоевич.

"Санфречче Хиросима" ОЧЛда муваффақиятсиз иштирок этаётган бўлса-да, Жей-лигада кейин 5-ўринни эгаллаб турибди.

"Биз нимчорак финалга чиқа олмаймиз, аммо мухлисларимиз учун ўйнашимиз керак.  Мен эртага ҳам Тошкентдаги баҳсда ўйнаган ёш футболчиларга имкон бермоқчиман. Улар "Бунёдкор"га қарши яхши ўйин кўрсатишди. Уларга халқаро тажриба беришда давом этмоқчиман. "Бейцзинг Гоан"нинг ўйин услубини яхши биламан. Лекин биз ҳар қандай ҳолатда ҳам 3 очко учун ҳаракат қиламиз", дейди Хажиме Мориясу.