Аргентина терма жамоаси Америка кубогини, Испания терма жамоаси эса Европа чемпионлигини қўлга киритди. Энди жамоалар "Финалиссима"да тўқнаш келишлари керак. Бироқ ўйин санаси ҳали аниқланмаган.
"Финалиссима" бўладими ёки йўқми, билмайман. Менга буни жадвалга киритиш қийинлигини айтишди. Келгуси йилда бундай бўлади деб ўйламайман", - деди Аргентина терма жамоаси бош мураббийи Лионель Скалони Goal порталига.
Тахминларга кўра, "Финалиссима" Испаниянинг Миллатлар лигасидаги мавсумидан кейин 2025 йилнинг октябрь ёки ноябрида ўтказилиши мумкин. Шу билан бирга, TyC Sports нашрининг хабар беришича, Аргентина ва Испания терма жамоалари 2026 йилнинг март ойида АҚШда ўйнашлари мумкин. Умуман олганда, савол мураккаб. Эслатиб ўтамиз, 2022 йилги "Финалиссима"да Аргентина Италияни 3:0 ҳисобида мағлуб этганди.
