Юртимиз мезбонлик қиладиган футзал бўйича Жаҳон чемпионати иштирокчи терма жамоаларининг мусобақага ташрифи давом этмоқда. Бугун, 6 сентябрь куни Нидерландия миллий терма жамоаси Тошкентга етиб келди.
ЎФА ва маҳаллий ташкилий қўмита вакиллари Нидерландия миллий терма жамоаси делегацияни кутиб олди ҳамда одатга кўра меҳмонларга эсдалик совғаси сифатида миллий дўппимиз совға қилинди.
Эслатиб ўтамиз, Нидерландия “А” гуруҳидан ўрин олган бўлиб, илк турда Ўзбекистон футзал миллий терма жамоасига қарши баҳс олиб боради. Учрашув 14 сентябрь куни, соат 20:00 да “Ҳумо Арена”да старт олади.
