Машҳур француз собиқ футболчиси Вильям Галлас “Манчестер Юнайтед” учун кимни идеал мураббий деб билишини айтди. “Қизил иблислар” мавсумни яхши бошлашмади, Премьер-лиганинг дастлабки уч турида бор-йўғи уч очко жамғаришди. Матбуотда Эрик тен Хагнинг ишдан бўшатилиши мумкинлиги ҳақида гап-сўзлар кўпаймоқда.

"Томас Тухель "Манчестер Юнайтед" муаммоларини ҳал қила оларди", - дейди Галлас. "Агар у тайинланганида ва ўз жамоасини қуриш учун икки йил берилганида, "Юнайтед"нинг мавқеи ҳозиргидан анча яхши бўларди.

"Челси"да Тухель жуда тартибли эди ва футболчилар уни ҳурмат қилишарди. У Чемпионлар Лигаси ва бошқа совринларни қўлга киритди. Балки ўшанда унга вазиятни ўзгартириш учун етарлича вақт берилмагандир", - дея "Челси", "Арсенал" ва "Тоттенхэм"даги ўйинлари билан танилган франциялик футболчининг сўзларини келтиради Goal.