Юртимиз мезбонлик қиладиган футзал бўйича Жаҳон чемпионати иштирокчи терма жамоаларининг мусобақага ташрифи давом этмоқда. Бугун, 10 сентябрь куни Коста-Рика миллий терма жамоаси Тошкентга етиб келди.
ЎФА ва маҳаллий ташкилий қўмита вакиллари Коста-Рика миллий терма жамоаси делегацияни кутиб олди ҳамда одатга кўра меҳмонларга эсдалик совғаси сифатида миллий дўппимиз совға қилинди.
Эслатиб ўтамиз, Коста-Рика «А» гуруҳидан ўрин олган бўлиб, 3-турда Ўзбекистон футзал миллий терма жамоасига қарши баҳс олиб боради. Учрашув 20 сентябрь куни, соат 20:00 да «Ҳумо Арена»да старт олади.
