Ҳужумкор ярим ҳимоячи Арда Гюлер Европанинг энг иқтидорли ёш футболчиларидан бири сифатида «Реал Мадрид»га қўшилди. Бироқ ўтган мавсумда Ла Лигада Гюлер «Лос-Бланкос» либосида бор-йўғи 10 та ўйинда майдонга тушди. Бироқ 19 ёшли туркиялик таслим бўлмади ва машғулотларда астойдил ҳаракат қилди. Инсайдер Маттео Мореттонинг сўзларига кўра, айнан шу нарса апрель ойида «Реал» бош мураббийи Карло Анчелоттини Гюлер Мадридда қолиши ва ижарага берилмаслиги ҳақида қарор қабул қилишга кўндирган.
«Анчелотти дастлаб Гюлернинг иқтидори ва қобилиятига ишонмаган. Аммо унинг машғулотлар давомида кўрсатган тараққиёти ва ривожланиши кўпчиликни, жумладан, Анчелоттини ҳам ҳайратда қолдирди», деб ёзади Моретто.
