Жорий мавсум бошланишидан аввал “Манчестер Юнайтед” бош мураббийи Эрик тен Хаг “қизил иблислар” учун уч босқичли ўйин режасини ишлаб чиқди. Бу ҳақда Daily Mail хабар бермоқда.
Манба берган хабарга кўра, биринчидан, нидерландиялик мутахассис ўтказиб юборилган "кераксиз" голлар сонини камайтириш учун футболчилардан ҳужум чизиғида ҳам, ҳимоя чизиғида ҳам тажовузкор бўлишни сўрамоқда.
Иккинчидан, Тен Хаг "Манчестер Юнайтед" тўпга кўпроқ эга бўлишини хоҳлайди. 54 ёшли мутахассис ўйинни назорат остида ушлаб туриш учун футболчилар тўпни яхшироқ ҳимоя қилишлари кераклигини таъкидламоқда.
Учинчидан, нидерландиялик мураббий "манкунианлик" футболчиларнинг позицион ўйинда яхшироқ ўйнашини истайди.
Тен Хаг жамоага "аҳмоқона" хатоларнинг олдини олиш учун тўғри шаклланиш муҳимлигини таъкидлайдиган видеоларни намойиш этди.
