Joriy mavsum boshlanishidan avval “Manchester Yunayted” bosh murabbiyi Erik ten Xag “qizil iblislar” uchun uch bosqichli o‘yin rejasini ishlab chiqdi. Bu haqda Daily Mail xabar bermoqda.
Manba bergan xabarga ko‘ra, birinchidan, niderlandiyalik mutaxassis o‘tkazib yuborilgan "keraksiz" gollar sonini kamaytirish uchun futbolchilardan hujum chizig‘ida ham, himoya chizig‘ida ham tajovuzkor bo‘lishni so‘ramoqda.
Ikkinchidan, Ten Xag "Manchester Yunayted" to‘pga ko‘proq ega bo‘lishini xohlaydi. 54 yoshli mutaxassis o‘yinni nazorat ostida ushlab turish uchun futbolchilar to‘pni yaxshiroq himoya qilishlari kerakligini ta’kidlamoqda.
Uchinchidan, niderlandiyalik murabbiy "mankunianlik" futbolchilarning pozision o‘yinda yaxshiroq o‘ynashini istaydi.
Ten Xag jamoaga "ahmoqona" xatolarning oldini olish uchun to‘g‘ri shakllanish muhimligini ta’kidlaydigan videolarni namoyish etdi.
