"Арсенал" "Тоттенхэм"га қарши қизил либосда ўйнамайди.
АПЛнинг 4-турида “шпорлар” “канонирлар”ни қабул қилади. Ўйин 15 сентябрь куни бўлиб ўтади.
"Арсенал" бу ўйин учун қора сафар либосидан фойдаланишга мажбур бўлишини эълон қилди. Премьер-лига ва PGMOL (Англияда ҳакамлик учун масъул ташкилот) оқ ранг кўплиги сабабли клубга уй либосида ўйнашга рухсат бермайди - "Тоттенхэм"нинг анъанавий либоси айнан оқ рангда.
"Канонирлар" сўнгги 38 йил ичида биринчи марта Шимолий Лондон дербисида қизил либосда майдонга туша олмайди. Telegraph нашрининг таъкидлашича, клуб бу ҳақда мавсум бошланишидан олдин огоҳлантирилган.
