Германия терма жамоаси бош мураббийи Юлиан Нагельсманн Нидерландия билан ўйин натижаларини сарҳисоб қилди.
Миллатлар лигаси гуруҳ босқичининг 2-тур учрашуви 2:2 ҳисобида дуранг билан якунланди.
“Умуман олганда, бу жуда қизиқарли ўйин бўлди. Ҳар икки жамоанинг ҳимояси заиф эди. Биз ҳужумда кучлироқ бўлдик ва кўпроқ таваккал қилдик. Биз ажойиб тарзда ортга қайтдик ва иккита гол урдик. Якунда яна ғалабани қўлга киритишга яқин эдик.
Жамоа ўзига ишонади, асосийси шу. Бугун жамоа навбатдаги ғалаба учун тайёрланганди. Бу биз кўрмоқчи бўлган нарсадир. Бу ажойиб ўн кун эди. Биз жуда муваффақиятли ҳаракат қилдик”, - деди Нагельсманн.
