Мадриднинг “Реал” клуби ҳужумчиси Килиан Мбаппе Англия Премьер-лигасига кўчиб ўтиши мумкин эди.
Франциялик футболчи шу йилнинг ёзида "ПСЖ"ни тарк этиб, "Лос-Бланкос" сафига эркин агент сифатида қўшилганди. L'Equipe нашрининг ёзишича, Мбаппе икки йил аввал "Ливерпуль"га ўтишга тайёр эди. Форвард парижликларнинг лойиҳасига шубҳа билан қаради, шунинг учун у кетишни режалаштирди. Мерсисайдликлар юлдуз футболчига оғзаки таклиф билан чиқишди ва бу унга маъқул келди. У ерда қисқа муддатли шартнома ҳақида гап кетган - унинг шартларига кўра Килиан яқин бир неча йил ичида "Реал"га кетиши мумкин бўларди.
Миш-мишларга кўра, "қизиллар" футболчи учун 200 миллион евро таклиф қилмоқчи эди, бироқ "ПСЖ" уни сотишдан қатъиян бош тортди.
